NIS Халықаралық Ғылыми-тәжірибелік Конференциясы

Жүзден жүйрік спикерлер

Баяндамашылар

Кэролин Адамс

2016 жылы Кэролин IB-де Стратегиялық даму және іске асыру бойынша басқарушы директор ретінде сайланды және IB стратегиялық жоспарын жүзеге асырды.

Кэролин өз мансабының үлкен бөлігін кең ауқымды және жоғары деңгейдегі бағалауға арнады. IB қатарына қосылғанға дейін Кэролин AQA (Assessment and Qualifications Alliance немесе, қазақша айтқанда, Бағалау және біліктілік альянсы) атты ұйымда сараптама бойынша директор болып қызмет етті. Бұл ұйым «A-level» (орта мектепті бітіргендегі жайлы жалпы куәлік) мен «GCSE» (Орта білім туралы жалпы куәлік) ұсынатын бағалау саласындағы ең ірі британ ұйымы. IB-дегі алғашқы алты жыл ішінде Кэролин бас бағалаушы маман лауазымында «Дипломдық бағдарлама» және «Негізгі орта мектеп бағдарламасы» бағалау форматын өзгертумен айналысты. Нәтижесінде бағалау қағаз тасымауылдауыштан электрондық тасымалдауышқа ауысты. 2016 жылы Кэролин IB-де Стратегиялық даму және іске асыру бойынша басқарушы директор ретінде сайланды және IB стратегиялық жоспарын жүзеге асырды. Оған қоса, Кэролин IB-дегі зерттеулерді қадағалаумен айналысады; оқу бағдарламасы және бағалау саласында өзінің инновацияларымен және әлем бойынша IB мектептерімен тығыз әріптестігімен танымал компанияның жұмысына модернизация жүргізу үшін стратегиялық дамыту және жүргізілетін зерттеулердің бірлігін қамтамасыз ету бағытында жұмыс жасап жатыр.

IX Халықаралық Ғылыми-тәжірибелік Конференциясы, 26-27 қазан 2017 ж.: Пленарлық отырыстағы баяндама

Бағалаудағы мәміле: жоғары деңгейлі және бірнеше сатылы бағалауды өткізу кезінде теңгерімді табуға тырысу

20 ғасырдың соңында Алекс Питерсон бірнеше сатылы бағалаудың тиімді жобасын әзірлеу талаптарын белгілеп, қысқаша айтып кеткен. «Барынша тиімді бағалау үдерісі қажет, яғни оқушының дарыны мен жеке басын оның өмірінің келесі сатысына қатысты шынайы бағалайтын, сонымен қатар, оқушылар, ата-аналар, мұғалімдер мен қабылдаушы орындарды оның әділетті екеніне сендіре алатын сенімді бағалау үдерісі қажет. Әйтсе де, мұндай үдеріс өзінің кері әсерімен жақсы оқытуды бұрмаламауы тиіс, сондай-ақ тым баяу болмауы керек және жұтаң білім беру ресурстарымыздың көбісін жұтпаса болғаны». Көптеген бағалау жобалары осы бағалау критерийлерінің кейбіріне сай келеді, бірақ олардың барлығын қанағаттандыратындары аз, әсіресе сабақта технологиялар кеңінен қолданылатын заманда тиімді және әділ бағалау оқушылардың компьютермен жұмыс істеуіне мүмкіндік беруі керек. Мұғалім жұмысының нәтижесін бағалау мақсатында жекелеген үміткерлердің жұмысын бағалайтын бағалаудың кеңінен қолданылуы бағалаудың жақсы жобасын әзірлеудің маңыздылығын арттырады. Бағаның сенімділігін, стандарттың сақталуын, сондай-ақ ауқымды курстық жұмыстың академиялық адал болуын қамтамасыз ету қиын, мәселен курстық жұмысты айтатын болсақ, тапсырма толықтай дұрыс берілсе де, оқушы ол бойынша жұмысты мектепте де, үйде де ұзақ уақыт бойы жүргізеді. Бұл онлайн тест түріндегі (бірнеше жауаптың ішінен таңдау стратегиясы) бағалауға да қатысты, мұнда сенімділік те, басқаруға икемділік те, академиялық адалдық да жатыр. Бірақ бұл күш жұмсауға тұрарлық бағалау ма? Себебі ол оқушылардың еске түсіру, түсіну және қолдану сияқты төмен деңгейлі дағдыларынан басқа терең деңгейде не оқып білгені жайлы аз ақпарат береді. Мектеп түлектері күннен күнге күрделеніп келе жатқан және белгісіз экономикалық келешекпен бетпе бет кездескенде тек осы дағдылар ғана оларға көмек болады ма?