NIS Халықаралық Ғылыми-тәжірибелік Конференциясы

Жүзден жүйрік спикерлер

Баяндамашылар

Рауан Кенжеханұлы

Рауан Кенжеханұлы 1 мамыр 1979 жылы Шығыс Қазақстан облысында дүниеге келген. 2001 жылы Алматы мемлекеттік университетін (қазіргі Абай атындағы Қазақ Ұлттық педагогикалық университеті) “Халықаралық қатынастар” мамандығы бойынша бітірген. Студенттік кезде (1998-2001) “Ұлттық дебат орталығы” қоғамдық қорында “Дебат” білім беру бағдарламасының үйлестірушісі болған.

2001 жылдан бастап экономика тақырыбы бойынша журналист ретінде жұмыс істеп, ҚР Президентінің жанындағы журналистер пулына мүше болады. Кейін “Хабар” арнасындағы “Жеті күн” аналитикалық бағдарламасының редакторы болады. 2004 жылдан бастап “Хабардың” Ресей Федерациясындағы меншікті тілшісі. Сол жылы Ресей Федерациясы үкіметі жанындағы Халықтық шаруашылық Академиясын “Стратегиялық менеджмент пен қаржы” мамандығы бойынша бітірді. 2005 – 2006 жж. Қазақстанның Ресей Федерациясындағы елшілігінде Баспасөз қызметі басшысы, мәдени-гуманитарлық әріптестік бөлімінің меңгерушісі, екінші және бірінші хатшы. 2006-2008 жж. “Қазақстан” арнасының Маңғыстау облыстық филиалының директоры. 2008-2009 жж. Маңғыстау облысы әкімінің қоғамдық-саяси мәселелер бойынша кеңесшісі. 2009-2011 жж. Гарвард университетінің Weatherhead Center for International Affairs-те “Халықаралық қатынастар” мамандығы бойынша оқыды. 2010-2011 жж. Гарвард университетінің Лингвистика бөлімінде мұғалім. 2011 жылы “WikiBilim” қоғамдық қоры мен Bilim Media Group электронды білім беру саласында жұмыс істейтін компанияның негізін қалады. “WikiBilim” аясында Қазақша Википедияны дамыту, Қазақстанның ашық кітапханасы, Қазақстанның ашық университеті, TED лекцияларын қазақ тіліне аудару, Қазақ әдебиетінің аудиохрестоматиясын дайындау, Google Translate жүйесі қазақ тілін қосы секілді жобаларды дамытты. Bilim Media Group негізінде Bilimland.kz, iMektep.kz, iTest.kz, Twig-Bilim.kz білім беру жобаларын іске асырды. 23 желтоқсан 2014 жыл мен 24 тамыз 2016 жыл аралығында Қызылорда облысы әкімінің орынбасары қызметінде жұмыс істеді. 1 қыркүйек 2016 жылдан бастап Bilim Media Group компаниясының директоры, 2017 жылдың маусымынан бастап “Ұлттық аударма бюросы” қоғамдық қорының атқарушы директоры қызметінде. 2016 жылы Bilim Foundation қоғамдық қорының негізін салды.

IX Халықаралық Ғылыми-тәжірибелік Конференциясы, 26-27 қазан 2017 ж.: Пленарлық отырыстағы баяндама

TBC